Skip to content

პერსონალურ მონაცემთა დამუშავების პირობები

წინამდებარე პერსონალურ მონაცემთა დამუშავების პირობები (შემდგომში ტექსტში მოხსენიებული, როგორც: „დამუშავების პირობები“) არეგულირებს – შპს „გრუმერი“-ს (შემდგომში: „გრუმერი“) პროდუქტებისა და სერვისების გამოყენებასთან დაკავშირებულ წესებს. შესაბამისად, იგი არ ეხება და ჩვენი კომპანია პასუხისმგებელი არ არის, მესამე პირების მიერ დამუშავების პირობებზე, ინფორმაციასა ან სხვა პრაქტიკებზე, რომლებსაც ეს პირები იყენებენ. მათ შორის, იგულისხმებიან ის მესამე პირებიც, რომლებიც არიან ჩვენი კომპანიის დისტრიბუციული პარტნიორები, მომწოდებლები ან სხვა მესამე პირები, რომლებიც ოპერირებას უწევენ რაიმე ვებ- გვერდს, რომელზეც გადასასვლელი ბმული ჩვენს ვებ-გვერდზეა განთავსებული. თქვენს მიერ კომპიუტერის, მობილური ტელეფონის, პლანშეტის ან ნებისმიერი მსგავსი ელექტრონული მოწყობილობის (შემდგომში: „მოწყობილობა“) მეშვეობით, ჩვენი ვებ- გვერდის ან/და მასზე განთავსებული ნებისმიერი ჩვენი პროდუქციის / შიგთავსის (ე.წ „კონტენტის”) გამოყენებით, გადმოწერით ან წვდომით, ან ჩვენთვის რაიმე სახის ინფორმაციის გაზიარებით (რომელიც დაკავშირებულია ჩვენს ან სხვა ვებ-გვერდებთან / სერვისებთან), თქვენ ავტომატურად ადასტურებთ, რომ წაიკითხეთ, გაეცანით და გაათვითცნობიერეთ წინამდებარე დამუშავების პირობები.

იმ შემთხვევაში თუ მომხმარებელი მის პერსონალურ მონაცემებს გაუზიარებს ჩვენს დაკავშირებულ პირებს, დისტრიბუტორებს ან მომწოდებლებს, ამ მონაცემთა დამუშავებაზე გავრცელდება ხსენებულ პირთა დამუშავების პირობები. მომხმარებელი დაწვრილებით უნდა გაეცნოს ასეთ პირთა დამუშავების პოლიტიკას იქამდე, სანამ გაუზიარებს მათ პერსონალურ მონაცემებს.

მომხმარებლის პერსონალურ მონაცემთა შეგროვება

ჩვენი ბიზნეს საქმიანობის ფარგლებში, ჩვენ სხვადასხვა გზებით ვაგროვებთ და ვამუშავებთ პერსონალურ მონაცემებს. ჩვენ შესაძლებელია შევაგროვოთ პერსონალური მონაცემები, რომლებსაც მომხმარებელი უშუალოდ გაგვიზიარებს, მაგრამ, ამასთან, შესაძლებელია შევაგროვოთ ასეთი მონაცემები მომხმარებლის მიერ ჩვენი ამა თუ იმ სერვისების გამოყენების შედეგად მიღებული ინფორმაციის აღრიცხვით, მაგალითად, ე.წ „Cookie”-ების მეშვეობით, რომლებსაც ვიყენებთ ჩვენს ვებ-გვერდზე. გარდა ამისა, პერსონალური მონაცემები შესაძლებელია მივიღოთ მესამე პირებისგანაც.

პერსონალური მონაცემები, რომლებსაც ჩვენ მომხმარებლის შესახებ ვაგროვებთ მოიცავს, მაგრამ არ შემოიფარგლება: მომხმარებლის სახელით, ელექტრონული ფოსტის მისამართით, ფაქტობრივი საცხოვრებელი მისამართით, საკრედიტო / სადებეტო ინფორმაციით, კითხვარის პასუხებითა და სხვა ინფორმაციით, რომელიც შესაძლებელია რომ მომხმარებელმა გაგვიზიაროს ჩვენი ვებგვერდების მეშვეობით – მომხმარებლის „აი- პი“ მისამართი და ინტერნეტ ბრაუზერული პროგრამა.

მომხმარებელს აქვს შესაძლებლობა უარი განაცხადოს მისი პერსონალური მონაცემების ჩვენთვის გაზიარებაზე, მაგრამ, როგორც წესი, ზოგიერთი პერსონალური მონაცემები მომხმარებლის შესახებ, აუცილებელია იმისათვის, რომ ამ უკანასკნელმა მიიღოს რელევანტური შეთავაზებები „გრუმერი“-გან და მისი პარტნიორებისგან, და ასევე, რათა მომხმარებელმა ისარგებლოს ყველა იმ უპირატესობით, რომელიც ჩვენს ვებ-გვერდებზე რეგისტრირებულ პირებს გააჩნიათ.

  • ინფორმაცია, რომელსაც მომხმარებელი გვაწოდებს: ჩვენს ვიღებთ და ვინახავთ ნებისმიერ პერსონალურ მონაცემს, რომელსაც მომხმარებელი უთითებს ჩვენს ვებ-გვერდებზე, ან გვაწვდის სხვა გზებით, მათ შორის, კონტრიბუციების გზით. მაგალითად, იმისათვის, რომ პირმა შეიძინოს ჩვენი პროდუქტები და სერვისები, აუცილებელია მან გაგვიზიაროს მისი პერსონალური მონაცემები, მათ შორის, სახელი, მისამართი, ელექტრონული ფოსტის მისამართი, მობილური ტელეფონის ნომერი, საკრედიტო / სადებეტო ბარათის მონაცემები და სხვა პიროვნების იდენტიფიკატორი ინფორმაცია. იმ შემთხვევაში, თუ მომხმარებელი ჩვენი, ან ჩვენი მომწოდებელის პროდუქტების / სერვისების შეძენისას უარს განაცხადებს მისი მონაცემების გაზიარებაზე, ჩვენ ვერ დავადასტურებთ მის შენაძენს / შეკვეთას. ზოგიერთ შემთხვევაში, მოხმარებელს შესაძლებელია მოვთხოვოთ ინფორმაცია მისი ადგილსამყოფელის (ქვეყნის), ასაკის და სხვა მონაცემების შესახებ, იმისათვის, რომ მომხმარებელს ჩვენი პროდუქტებითა და სერვისებით სარგებლობისას მივაწოდოთ საუკეთესო გამოცდილება.
  • ინფორმაცია სხვების შესახებ: ჩვენი ვებ-გვერდების მეშვეობით, მომხმარებელს შესაძლოა მიეცეს შესაძლებლობა მოგვაწოდოს სხვა პირების საკონტაქტო ინფორმაცია. თუ მომხმარებელი ჩვენი ვებ-გვერდის მეშვეობით გამოიყენებს „მეგობრის მოწვევის“ ფუნქციას ან შეიძენს პროდუქტს / სერვისს სხვისთვის, აუცილებელი იქნება, რომ მომხმარებელმა მოგვაწოდოს ინფორმაცია ხსენებული ადრესატი პირის პერსონალური მონაცემების შესახებ. ასეთ შემთხვევაში, მომხმარებელმა უნდა მოიპოვოს წინასწარი ნებართვა იმ პირისგან, რომლის პერსონალურ მონაცემებსაც გაგვიზიარებს.
  • ინფორმაცია სხვა წყაროებიდან: პერიოდულად, შესაძლებელია მოვიპოვოთ პირთა პერსონალური მონაცემები ჩვენი ბიზნეს პარტნიორებისგან, დაკავშირებული პირებისგან ან სხვა დამოუკიდებელი წყაროებისგან, რა შემთხვევაშიც, ავსახავთ ამ ინფორმაციას მომხმარებლის სხვა მონაცემებთან ერთად. მაგალითად, თუ მომხმარებელი „გრუმერი“-ს ვებ-გვერდებზე – „portal.cloud9.ge და cloud9.ge”-ზე მოხვდება სხვა ვებ-გვერდზე განთავსებული ბმულიდან (რომელიც განთავსებული იქნება ჩვენი ბიზნეს პარტნიორის ვებ-გვერდზე), სადაც ამ მომხმარებელს გავლილი აქვს წინასწარი რეგისტრაცია, ასეთ შემთხვევაში, ის პერსონალური მონაცემები, რომლებიც მომხმარებელს მიწოდებული ჰქონდა ხსენებული ჩვენი ბიზნეს პარტნიორისათვის, შესაძლებელია გაზიარებულ იქნეს ჩვენთვის, მაგალითად, ისეთი ინფორმაცია, როგორიცაა საკონტაქტო და დემოგრაფიული ინფორმაცია. სხვა მაგალითისთვის, თუ მომხმარებელი, ჩვენს ვებ-გვერდზე ვიზიტამდე, ან ჩვენი ვებ-გვერდის მეშვეობით გამოიყენებს სხვა მესამე პირების სერვისებს, ისეთი როგორიცაა, სოციალური მედიის სერვისები, ჩვენ შესაძლებელია რომ შევაგროვოთ ინფორმაცია მომხმარებლის შესახებ, რომელიც ჩვენთვის ხელმისაწვდომი გახდება სწორედ ხსენებული სერვისების მეშვეობით, მაგალითად, მომხმარებლის სახელი და სხვა ინფორმაცია. ჩვენ აქტიურად ვთანამშრომლობთ ჩვენს არსებულ პარტნიორებთან და ვითანამშრომლებთ ჩვენს პოტენციურ მომავალ პარტნიორებთანაც იმისათვის, რომ მოვახდინოთ მომხმარებლის მიერ ჩვენი ვებ-გვერდების გამოყენების პერსონალიზაცია იმ პოლიტიკისა და პრაქტიკის პირობების დაცვით, რომლებიც ჩამოთვლილია წინამდებარე დოკუმენტში.
  • ავტომატური ინფორმაცია: ჩვენ ავტომატურად ვაგროვებთ კონკრეტული ტიპის ინფორმაციას მომხმარებლების კომპიუტერებიდან ან მოწყობილობებიდან, როდესაც მომხმარებელი უკავშირდება ჩვენს ვებ-გვერდებს. მაგალითად, ჩვენ მოვიპოვებთ მომხმარებლის „აი-პი“ მისამართს, ინტერნეტ ბრაუზერის შესახებ ინფორმაციას და იმ საიტის შესახებ ინფორმაციას, რომლიდანაც მომხმარებელი აღმოჩნდა ჩვენს ვებ-გვერდებზე. იმისათვის რომ, მოვახდინოთ მომხმარებლების მიერ ჩვენი სერვისების და ვებ-გვერდების გამოყენების ეფექტური ანალიზი, და იმისათვის, რომ მომხმარებელს შევთავაზოთ ისეთი გამოცდილება, რომელიც მის ინტერესებთან მაქსიმალურად არის შესაბამისობაში, ჩვენ ასევე ვაგროვებთ და ვინახავთ მომხმარებლის ონლაინ აქტივობის შესახებ ინფორმაციას, რაშიც იგულისხმება – ჩვენი ვებ-გვერდების რომელი განყოფილება მოინახულა მომხმარებელმა, პროდუქტები რომელიც დაათვალიერა, რის მოძებნა ცადა შესაბამისი საძიებო ველის გამოყენების მეშვეობით და შეკვეთების / შენაძენების ისტორია.
  • ადგილმდებარეობის შესახებ ინფორმაცია და სხვა ინფორმაციები, რომელიც გაზიარებულია ხელსაწყოების მეშვეობით: როდესაც მომხმარებელი ჩვენს სერვისებს ეცნობა ელექტრონული მოწყობილობის საშუალებით, შესაძლებელია, რომ მოვიპოვოთ ინფორმაცია მომხმარებლის ადგილმდებარეობის შესახებ, თუკი მომხმარებლის ელექტრონულ მოწყობილობა, პერსონალური პარამეტრებიდან იმგვარად არის მოწყობილი, რომ ის უგზავნის ხსენებულ ინფორმაციას ვებ- გვერდებს. მომხმარებელს აქვს შესაძლებლობა შეცვალოს პერსონალური პარამეტრები მის მოწყობილობაზე ნებისმიერ დროს, რათა გამორთოს ადგილმდებარეობის შესახებ ინფორმაციის გაზიარების ფუნქცია. იმ შემთხვევაში, თუ მომხმარებელს აქვს დამატებითი შეკითხვები მოწყობილობის პერსონალურ პარამეტრებთან, ჩვენი რეკომენდაციაა, რომ მომხმარებელმა მიმართოს მოწყობილობის დამამზადებელს, ან მობილური საკომუნიკაციო სერვისების პროვაიდერს.

როგორ ვიყენებთ მომხმარებლის პერსონალურ მონაცემებს

იმ პერსონალურ მონაცემებს, რომლებსაც მომხმარებლების შესახებ მოვიპოვებთ, ვამუშავებთ და ვინახავთ, ვიყენებთ მხოლოდ კონკრეტული მიზნებისთვის, რაც მოიცავს, მაგრამ არ შემოიფარგლება ამ მონაცემთა შემდეგი მიზნებისთვის გამოყენებას:

  • მომხმარებლისთვის ჩვენი სერვისების შეთავაზება;
  • მომხმარებლის ანგარიშის და რეგისტრაციის მენეჯმენტი, მათ შორის, ჩვენს ვებ- გვერდებზე მომხმარებლის წვდომისა და გამოყენების უზრუნველყოფა და ამ უკანასკნელის მიერ გაკეთებული შეფასებებისა და რეიტინგების (ჩვენი სერვისების შესახებ) გამოქვეყნება (თუკი ასეთი ფუნქცია ხელმისაწვდომი გახდება ჩვენს ვებ-გვერდებზე);
  • მომხმარებელთან კომუნიკაცია მისი ანგარიშის, ჩვენი ვებ-გვერდების გამოყენებისა და სერვისების შესახებ კომუნიკაცია;
  • მომხმარებლის კომენტარებსა და კითხვებზე პასუხის გასაცემად ან დასაზუსტებლად, ან მომხმარებლისთვის სხვა გზებით გარკვეული მომსახურების გაწევა;
  • მომხმარებლის ინფორმირება დამუშავების პოლიტიკის პირობებში ცვლილებების შეტანის თაობაზე;
  • მომხმარებლისთვის თხოვნის გაგზავნა, რომ ამ უკანასკნელმა დატოვოს შეფასება ჩვენს პროდუქტთან / სერვისთან დაკავშირებით, ან მონაწილეობა მიიღოს ამა თუ იმ გამოკითხვაში;
  • ჩვენი ვებ-გვერდისა და სერვისების ოპერირების და გაუმჯობესებისათვის;
  • მომხმარებლის ჩვენს ვებ-გვერდებზე ვიზიტის ინდივიდუალური მიდგომის შექმნისათვის;
  • ჩვენი პროდუქტებით, სერვისებითა და ვებ-გვერდებით დაინტერესების შეფასებისთვის და მიღებული შედეგების საფუძველზე მათი განვითარებისათვის;
  • მომხმარებლისთვის განსაკუთრებული შეთავაზებებისა შეტყობინებისათვის;
  • მომხმარებლის წამახალისებელ გათამაშებაში ჩართვისთვის;
  • არა-ავტორიზებული ან უკანონო აქტივობებისგან დაცვის, მათი გამოძიებისა და პრევენციისთვის;
  • პრობლემების გადაჭრისთვის, დავების მოგვარებისათვის და ჩვენი ბიზნესის დაცვისა და ადმინისტრირებისათვის.

მომხმარებლის პერსონალურ მონაცემებს მხოლოდ გამოვიყენებთ იმ ფარგლებში, რომელიც დაშვებულია კანონით. უმეტესად, ჩვენ მომხმარებლის პერსონალურ მონაცემებს გამოვიყენებთ შემდეგ შემთხვევებში:

  • როდესაც საჭიროა სახელშეკრულებო პირობების შესრულება, რომელსაც დავდებთ, ან უკვე დავდეთ მომხმარებელთან;
  • როდესაც ეს აუცილებელია ჩვენი (ან მესამე პირების) კანონიერი ინტერესების დასაცავად და მომხმარებლის ინტერესები და ძირითადი უფლებები არ წონის ჩვენს / მესამე პირების ინტერესებს;
  • მომხმარებლის წინასწარი თანხმობით;
  • როდესაც ეს აუცილებელია ჩვენს მიერ კანონისმიერი ან რეგულაციიდან მომდინარე ვალდებულების შესრულებისათვის.

მარკეტინგი

ჩვენ შესაძლოა მომხმარებელს გავუგზავნოთ მარკეტინგული შინაარსის ელექტრონული საფოსტო წერილები „გრუმერი”-ს სიახლეებთან, შეთავაზებებთან და სხვა სპეციალურ აქციებთან დაკავშირებით, რომლებიც მიგვაჩნია, რომ მომხმარებლისთვის შეიძლება საინტერესო, ინფორმაციული და ღირებული აღმოჩნდეს.

მომხმარებელი ჩვენგან მსგავსი ტიპის მარკეტინგულ შეტყობინებებს მიიღებს მხოლოდ იმ შემთხვევაში, თუ ამის თაობაზე მან განაცხადა თანხმობა, ან მოითხოვა მსგავსი ინფორმაციის მიღება, ან თუ მომხმარებელმა შეიძინა ჩვენგან პროდუქცია / სერვისები და უარი არ გამოუთქვამს მარკეტინგული შეტყობინებების მიღებაზე. თუკი მომხმარებელი დაკარგავს ინტერესს ჩვენგან მარკეტინგული შეტყობინებების მიღებაზე, მას აქვს რამდენიმე არჩევანი, რათა აღკვეთოს ამ შეტყობინებების მისთვის გაგზავნა, კერძოდ, მომხმარებელს შეუძლია მიყვეს ბმულს, რომელიც მოცემულია თითოეულ მარკეტინგულ შეტყობინებაში, რომლის საფუძველზეც იგი შეწყვეტს მარკეტინგული სიახლეების გამოწერას.

საგლუსხმოა, რომ იმ შემთხვევაშიც კი, თუ მომხმარებელი უარს განაცხადებს „გრუმერი“-გან მარკეტინგული შეტყობინებების მიღებაზე, ჩვენ გავაგრძელებთ მისთვის ისეთი ტიპის ელექტრონული საფოსტო წერილების გაგზავნას, რომელიც დაკავშირებულია მომხმარებლის შენაძენებთან და ადმინისტრაციულ, ან სერვისთან დაკავშირებულ ინფორმაციასთან, როგორიცაა მაგალითად, ჩვენი სამომხმარებლო პირობები და საქმიანობის წარმართვის პოლიტიკა. ჩვენ ვიტოვებთ უფლებას, რომ გავუგზავნოთ მომხმარებელს სხვა კომუნიკაციები, მათ შორის, სერვისის განცხადებები, ადმინისტრაციული ტიპის მესიჯები და კითხვარები, რომლებიც დაკავშირებულია მომხმარებლის ანგარიშთან, ისე რომ, ამ უკანასკნელს არ წარვუდგინოთ მსგავსი შეტყობინებების მიღების აღკვეთის გზები.

ვის შეიძლება გავუზიაროთ მომხმარებლის პერსონალური მონაცემები

ჩვენ შესაძლებელია შევინახოთ ინფორმაციული კონტრიბუციები, რომლებსაც მომხმარებელი ჩვენს ვებ-გვერდებზე გააკეთებს, მათ შორის, მაგრამ არამარტო, მომხმარებლის რეიტინგები, კომენტარები და შეფასებები (შემდგომში: „მომხმარებლის მასალა“). ჩვენ შესაძლოა საჯაროდ განვათავსოთ მომხმარებლის მასალა ჩვენს, ან ჩვენთან დაკავშირებული პარტნიორებისა და მომწოდებლის ვებ-გვერდებზე, გავხადოთ მომხმარებლის მასალა ხელმისაწვდომი სხვა მომხმარებლებისთვის და გავუზიაროთ ჩვენთან დაკავშირებულ პარტნიორებსა და მომწოდებლებს, ასევე გამოვიყენოთ მსგავსი მასალა ჩვენი პროდუქტის / სერვისების პოპულარიზაციისთვის. გაითვალისწინეთ, რომ თუკი მომხმარებელი თავად გადაწყვეტს, რომ მომხმარებლის მასალაში შეიტანოს მისი პერსონალური მონაცემები, ისინი შესაძლოა ხილული გახდეს სხვებისთვის. ჩვენ არ ვართ პასუხისმგებელი იმ ინფორმაციის დაცვაზე, რომელსაც მომხმარებელი თავად შეიტანს მომხმარებლის მასალაში.

„გრუმერი“-მ შესაძლოა გააზიაროს მომხმარებლის პერსონალური მონაცემები სხვა პირებთან, მათ შორის, სხვა კომპანიებთან ან მესამე პირებთან, როგორებიც არიან, მაგალითად, სერვისის მომწოდებლები, რომლებიც ჩვენი დავალებით მოქმედებენ. იმ შემთხვევაში, თუ ჩვენ გავყიდით ან დავკარგავთ უფლებებს ჩვენს ბიზნესზე (ან მის ნაწილზე) და მომხმარებლის პერსონალური მონაცემები კავშირშია გაყიდულ / უფლება- დაკარგულ ბიზნესთან ან მის ნაწილთან, ან თუკი ჩვენი ბიზნესი გაერთიანდება სხვა პირთან – ჩვენი ბიზნესის ახალ მესაკუთრეს, ან გაერთიანების შედეგად შეძენილ პარტნიორს გავუზიარებთ მომხმარებლის პერსონალურ მონაცემებს. თუკი ჩვენ გვექნება შესაბამისი კანონისმიერი ვალდებულება, ჩვენ გავაზიარებთ მომხმარებლის პერსონალურ მონაცემებს ჩვენი სხვა მომხმარებლების, კომპანიის, ვებ-გვერდების, ჩვენი უფლებების და საკუთრების დასაცავად.

  • სერვისის მომწოდებლები. იმ პერსონალურ მონაცემთა ნაწილი, რომლებსაც ჩვენ ვაგროვებთ, ზიარდება სერვისის მომწოდებლებთან, რომლებიც პირდაპირ არიან ჩართული მომხმარებლის მიერ გაკეთებული შენაძენის ამ უკანასკნელისთვის მიწოდებაში. სერვისის მომწოდებლებს მხოლოდ ვაწვდით იმ პერსონალურ მონაცემებს, რომლებიც აუცილებელ ინფორმაციად ითვლება მათი მიზნებიდან გამომდინარე (მაგალითად, მომხმარებლის ტელეფონის ნომერი, ელექტრონული ფოსტის მისამართ და სხვ.). ჩვენი რეკომენდაციაა, რომ მომწოდებელი გაეცნოს სერვისის მომწოდებლის დამუშავების პირობებს, რათა დადგინდეს თუ რა მიზნით შეიძლება გამოიყენონ მათ მომხმარებლის პერსონალური მონაცემები.
  • გარეშე ვენდორები. ჩვენ ასევე ვაზიარებთ მომხმარებლის პერსონალურ მონაცემებს გარეშე ვენდორებთან, რომლებიც ჩვენი სახელით ახდენენ გარკვეული სერვისების გაწევას ან ფუნქციების შესრულებას, მათ შორის, ბიზნეს ანალიტიკა, გადახდის დადასტურება, მომხმარებლისთვის განკუთვნილი სერვისები, მარკეტინგი, საზოგადოებასთან ურთიერთობა, კითხვარების განაწილება და თაღლითობის პრევენცია. გარეშე ვენდორებს შესაძლოა ასევე მივცეთ უფლებამოსილება, რომ ჩვენს მაგივრად შეაგროვონ და დაამუშავონ პერსონალური მონაცემები, მათ შორის, მაგალითად, ჩვენი ვებ-გვერდის გარკვეული ფუნქციებისა და აპლიკაციების ოპერირებისთვის, ან მომხმარებლის ინტერესებზე მორგებული მარკეტინგის გასაწევად. გარეშე ვენდორებს წვდომა აქვთ და აგროვებენ მხოლოდ იმ პერსონალურ მონაცემებს, რომლებიც აუცილებელია მათი ფუნქციების შესასრულებლად და ისინი არ არიან უფლებამოსილნი გააზიარონ ან გამოიყენონ ჩვენს მიერ მიწოდებული პერსონალური მონაცემები სხვა მიზნებისთვის. დღეის მდგომარეობით, ჩვენ ვთანამშრომლობთ რამდენიმე გარეშე ონლაინ პარტნიორებთან, რომლებიც გვეხმარებიან ჩვენი ინტერნეტ ბიზნესისა და კომუნიკაციების მენეჯმენტსა და ოპტიმიზაციაში. ჩვენ მარკეტინგული კომპანიების სერვისებს ვიყენებთ, რათა შევაფასოთ ჩვენი სარეკლამო პოლიტიკის ეფექტურობა და მომხმარებლების მიერ ჩვენი ვებ-გვერდების გამოყენების ტენდეციები.
  • გადამამისამართებელი ვებ-გვერდები. თუ მომხმარებლები „გრუმერი“-ის რომელიმე ვებ-გვერდებზე გადმომისამართებულ იქნენ სხვა ვებ-გვერდიდან, ჩვენ შესაძლოა ასეთი გვერდებიდან მივიღოთ მომხმარებლის სარეგისტრაციო ინფორმაცია, როგორიცაა მისი სახელი, ელექტრონული ფოსტის მისამართი, საცხოვრებელი მისამართი და ტელეფონის ნომერი. ჩვენ არ გვაქვს დაწესებული ლიმიტები გადამამისამართებელი ვებ-გვერდების მიერ პერსონალური მონაცემების გამოყენებაზე და ვურჩევთ მოხმარებელს, დამოუკიდებლად გაეცნოს ამ უკანასკნელთა დამუშავების პირობებს.

შესაძლოა, რომ ჩვენ ასევე გავაზიაროთ ან გავამჟღავნოთ პერსონალური მონაცემები თუკი, ჩვენი დისკრეციის ფარგლებში, მივიჩნევთ, რომ ეს საჭიროა:

  • კანონისმიერი და აღსრულებადი უწყისის (მათ შორის, სასამართლოს უწყისის), სასამართლოს გადაწყვეტილების/განჩინების ან სხვა სამართლებრივ პროცესთან დამორჩილებისათვის; ჩვენი სამართლებრივი უფლებების ჩამოყალიბების ან სარგებლობისთვის; სამართლებრივი დავისგან (სარჩელისგან, საჩივრისგან) თავის დაცვისთვის; ან კანონის სხვა მიზნებისათვის. ასეთ შემთხვევებში, ჩვენ ვიტოვებთ უფლებას, რომ გამოვიყენოთ ყველა სამართლებრივი დაცვის საშუალება, რომელიც ჩვენთვის ხელმისაწვდომია;
  • არალეგალური, ან სავარაუდოდ არალეგალური აქტივობების პრევენციისთვის, გამოძიებისთვის ან შესაბამისი საპასუხო ქმედებისთვის; „გრუმერი“-ის, ჩვენი მომხმარებლების ან სხვების უფლებების, უსაფრთხოების ან საკუთრების დაცვისთვის; ჩვენი პირობების ან სხვა სამართლებრივი გარიგებების, მათ შორის, ჩვენს პარტნიორებთან ან მომწოდებლებთან არსებული გარიგებების მიზნებისთვის;
  • კორპორაციული ტრანზაქციების, როგორიცაა მაგალითად, გაყოფა, შერწყმა, შეძენა, კონსოლიდაცია ან აქტივების გაყიდვა, ან გადახდისუუნარობის საქმის წარმოების მიზნებისთვის;
  • სახელმწიფო ორგანოებთან ან აღსრულების ბიუროებთან ურთიერთობის მიზნებისთვის (თუ ასეთ შემთხვევებში, ინფორმაციის გამჟღავნებას კანონის გვავალდებულებს).

ასევე, შესაძლებელია, რომ ჩვენ გავაზიაროთ მთლიანი ან ანონიმური ინფორმაცია მესამე პირებთან, მათ შორის, ინვესტორებთან ან რეკლამის განმთავსებლებთან. მაგალითად, ჩვენ შესაძლოა რეკლამის განმთავსებლებს ვუთხრათ ჩვენი ვებ-გვერდის სტუმრების რაოდენობა დროის გარკვეულ მონაკვეთში, ან თუ რომელია ჩვენს პროდუქტებს / სერვისებს შორის ყველაზე პოპულარული. ეს ინფორმაცია არ შეიცავს პერსონალურ მონაცემებს და გამოიყენება ვებ-გვერდების შინაარსის და სერვისების განვითარებისთვის.

მომხმარებელმა ასევე უნდა გაითვალისწინოს, რომ ჩვენი ზოგიერთი პროდუქტის / სერვისის შეძენისთვის, მას შესაძლოა დაჭირდეს ჩვენთვის დამატებითი პერსონალური ან სხვა სახის ინფორმაციის გაზიარება, რათა დავადგინოთ შეუძლია თუ რა კონკრეტულ მომხმარებელს ჩვენი პროდუქტებით / სერვისებით სარგებლობა ისე, რომ არ დაირღვეს რაიმე შიდა რეგულაცია, პოლიტიკა, მოხმარების პირობები ან სხვა სამართლებრივი დოკუმენტის ნორმები. მაგრამ, იმ შემთხვევაში, თუ „გრუმერი“ უშუალოდ თავად არ ახდენს ხსენებული ინფორმაციის მომხმარებლისგან დამუშავებას და თუ ეს ინფორმაცია საჭიროა ჩვენი მომწოდებლების, დაკავშირებული პირების ან დისტრიბუტორების მიზნებისთვის, მომხმარებელი უნდა გაეცნოს და დაეყრდნოს სწორედ ამ პირების დამუშავების პოლიტიკას (და არა „გრუმერი“-ის დამუშავების პირობებს).

რამდენი ხნის მანძილზე ვინახავთ მომხმარებლის პერსონალურ მონაცემებს

მომხმარებლის პერსონალურ მონაცემებს შევინარჩუნებთ მხოლოდ იმდენი ხნით, რამდენიც საჭიროა იმ მიზნების შესასრულებლად, რომელთა მიღწევისთვისაც შევაგროვეთ ასეთი ინფორმაცია, მათ შორის, სამართლებრივი, ბუღალტრული ან მოხსენებითი (ყოველწლიური ანგარიშები და სხვ.) საჭიროებებისთვის.

რათა დავადგინოთ პერსონალური მონაცემების ოპტიმალური შენახვის პერიოდი, ჩვენ მხედველობაში ვიღებთ მონაცემების რაოდენობას, ბუნებას და სენსიტიურობას, პოტენციური ზიანის რისკს (რომელიც ახლავს ასეთი ინფორმაციის გამჟღავნებას ან უნებართვოთ მოპოვებას), მიზნებს, რომელთა მისაღწევადაც დავამუშავეთ ეს მონაცემები და არსებობს თუ არა სხვა საშუალებები, რომელთა გამოყენებითაც შევძლებთ ამავე მიზნების მიღწევას და ასევე, სამართლებრივ მოთხოვნებს.

მომხმარებლის უფლებები

მომხმარებელს შეუძლია შეამოწმოს, ჩაანაცვლოს ან განაახლოს ის ინფორმაცია, რომელიც ჩვენ მოგვაწოდა, ან ნებისმიერ დროს მიიღოს გადაწყვეტილება ჩვენთან გახსნილი ანგარიშის (ე.წ „ექაუნთის“) დახურვის/გაუქმების შესახებ, რასაც შეძლებს ონლაინ სისტემის ან ჩვენს შემდეგ ელექტრონულ ფოსტის მისამართზე შესაბამისი შეტყობინების გამოგზავნის გზით contact@groom.ge თუკი მომხმარებელი გადაწყვეტს, რომ დახუროს/გააუქმოს ჩვენთან შექმნილი ანგარიში, ჩვენ გავაუქმებთ და წავშლით მომხმარებლის პროფილის ინფორმაციაც, ასევე ამ უკანასკნელის მიერ დატოვებულ შეფასებებს. გთხოვთ, გაითვალისწინოთ, რომ მას შემდეგ რაც მომხმარებლის ანგარიში დაიხურება, იგი ვეღარ შეძლებს ამ ანგარიშზე შესვლას და წვდომას მომხმარებლის პერსონალ ინფორმაციასთან. მიუხედავად ამისა, მომხმარებელს ნებისმიერ დროს შეუძლია გახსნას ახალი ანგარიში.

მომხმარებელს შეუძლია შეცვალოს „მარკეტინგული პრიორიტეტები“ („marketing preferences”) ნებისმიერ დროს.

ჩვენ შესაძლებელია მომხმარებელს შევთავაზოთ, რომ ჩვენმა ვებ-გვერდმა ავტომატურ რეჟიმში დაიმახსოვროს მომხმარებლის გადახდის მეთოდები და მასთან დაკავშირებული ინფორმაცია. თუკი მომხმარებელი შეინახავს გადახდის დეტალებს, მას შეეძლება დაამატოს, წაშალოს ან დაარედაქტიროს ხსენებული ინფორმაცია ნებისმიერ დროს მისი ანგარიშის პარამეტრებიდან.

შესაბამისი კანონმდებლობის შესაბამისად, მომხმარებელს მის პერსონალურ მონაცემებთან მიმართებით აქვს წვდომის, შეცვლის, წაშლის, წვდომის/დამუშავების შეზღუდვის, მონაცემთა გადამისამართების და უარის უფლებები. მეტი ინფორმაცია თუ როგორ და როდის შეუძლია მომხმარებელს ისარგებლოს ამ უფლებებით შეგიძლიათ იხილოთ ქვემოთ. როდესაც საკითხზე ზემოთ ჩამოთვლილი უფლებები (ან კონკრეტული უფლება) ვრცელდება, ჩვენი მომხმარებლის მოთხოვნას ამ უფლების გამოყენებასთან დაკავშირებით, პასუხს გავცემთ ერთი თვის განმავლობაში, მაგრამ უფლებას ვიტოვებთ ყოველი კონკრეტული შემთხვევის სირთულიდან გამომდინარე ეს ვადა გავაგრძელოთ ორი თვით.

შესაბამის კანონმდებლობის საფუძველზე, მომხმარებელი, მის პერსონალურ მონაცემებთან მიმართებით შეიძლება სარგებლობდეს შემდეგი უფლებებით:

  • უფლება მოითხოვოს წვდომა მის (მომხმარებლის) პერსონალურ მონაცემებზე: ეს უფლება საშუალებას ანიჭებს მომხმარებელს, რომ მიიღოს მისი იმ პერსონალური მონაცემების ასლი, რომელიც ჩვენს მფლობელობაში და შეამოწმოს, რომ ჩვენ ნამდვილად კანონიერად ვამუშავებთ ამ მონაცემებს;
  • უფლება მოითხოვოს მისი (მომხმარებლის) პერსონალური მონაცემების კორექტირება, თუკი სახეზეა რაიმე ცდომილება. მომხმარებელს, დამუშავების მიზნების გათვალისწინებით, ასევე შეუძლია შეცვალოს, ან დააზუსტოს ნებისმიერი არასრულყოფილი მონაცემები, რომლებიც ჩვენს გვაქვს;
  • უფლება მოითხოვოს მისი (მომხმარებლის) პერსონალური მონაცემების წაშლა, თუკი:
    • მომხმარებლის პერსონალური მონაცემები აღარ არის საჭირო იმ მიზნებისთვის, რომელთა მიღწევისთვისაც ისინი შევაგროვეთ ან დავამუშავეთ; ან
    • მომხმარებელი გამოითხოვს მის თანხმობას, იმ შემთხვევაში, თუ მომხმარებლის პერსონალური მონაცემების დამუშავება დაფუძნებულია სწორედ ასეთ თანხმობაზე და სხვა სამართლებრივი საფუძვლები არ არსებობს; ან
    • მომხმარებელი უარს აცხადებს მისი მონაცემების ჩვენს მიერ დამუშავებაზე და ჩვენ არ გვაქვს უპირატესი სამართლებრივი ინტერესი დამუშავებისთვის; ან
    • მომხმარებლის პერსონალური მონაცემები უკანონოდ იქნა დამუშავებული; ან
    • მომხმარებლის პერსონალური მონაცემები უნდა წაიშალოს სამართლებრივი ვალდებულების შესასრულებლად/აღსასრულებლად.
  • უფლება უარი თქვას მისი (მომხმარებლის) პერსონალური მონაცემების დამუშავებაზე: ჩვენ დავემორჩილებით მომხმარებლის ასეთ მოთხოვნას, გარდა ისეთი შემთხვევებისა, როდესაც არ გვაქვს შესაბამისი უპირატესი სამართლებრივი ინტერესი მონაცემთა დამუშავებისთვის, ან ჩვენ დამუშავების გაგრძელება გვესაჭიროება სამართლებრივი მოთხოვნის/უფლების დამყარებისთვის, გამოყენებისთვის ან დაცვისთვის;
  • უფლება მოითხოვოს მისი (მომხმარებლის) პერსონალური მონაცემების დამუშავების შეზღუდვა, თუკი:
    • პერსონალურ მონაცემთა სიზუსტე სადავოდ გახადა მომხმარებელმა, იმ პერიოდის მანძილზე, როდესაც ჩვენ უნდა დავადასტუროთ პერსონალური მონაცემების სიზუსტე; ან
    • პერსონალურ მონაცემთა დამუშავება არაკანონიერია და მომხმარებელი მათი წაშლის ნაცვლად, ითხოვს მათზე წვდომის ან/და დამუშავების შეზღუდვას; ან
    • ჩვენ აღარ გვესაჭიროება მომხმარებლის პერსონალური მონაცემები იმ მიზნებისთვის, რომელთა მისაღწევადაც დამუშავება დაიწყო, მაგრამ მომხმარებელს ეს მონაცემები სჭირდება სამართლებრივი მოთხოვნისათვის; ან
    • მომხმარებელი უარს აცხადებს დამუშავებაზე, იმ პერიოდის განმავლობაში, როდესაც ჩვენ უნდა შევამოწმოთ, არსებობს თუ არა მომხმარებლის ინტერესებზე უპირატესი იურიდიული ინტერესი დამუშავების გასაგრძელებლად.
  • უფლება მონაცემთა გადამისამართებაზე: მომხმარებელს შეუძლია მოგვთხოვოს, რომ მიიღოს ჩვენთან არსებული მისი პერსონალური მონაცემები. მომხმარებელს ასევე შეუძლია, რომ მოგვთხოვოს ჩვენთან არსებული მისი პერსონალური მონაცემების მესამე პირ(ებ)თან გაგზავნა, როდესაც ეს არ მოითხოვს განსაკუთრებულად დიდ ძალისხმევას. მომხმარებელს ხსენებული უფლება აქვს იმ შემთხვევაში, თუ საქმე ეხება იმ პერსონალურ მონაცემებს, რომლებიც მომხმარებელმა თავად მოგვაწოდა, დამუშავება დაფუძნებულია თანხმობაზე, ან აუცილებელია ჩვენსა და მომხმარებელს შორის არსებული გარიგების შესასრულებლად და დამუშავება ხდება ავტომატური საშუალებებით.

მომხმარებელს შეუძლია ისარგებლოს მისი უფლებებით წერილობითი მოთხოვნის შედგენის გზით, რომლის ფორმაც ხელმისაწვდომია ჩვენს ვებგვერდზე, ან დაგვიკავშირდეს ჩვენს შემდეგი ელექტრონული ფოსტის მისამართზე – contact@groom.ge

მოხმარებელს არ მოუწევს რაიმე ხარჯის გაღება / საკომისიოს გადახდა მისი პერსონალურ მონაცემებთან წვდომის მოპოვებისთვის (ან სხვა რომელიმე უფლების გამოყენებისათვის). მაგრამ, ჩვენ შესაძლოა მოვითხოვოთ გონივრული საკომისიო იმ შემთხვევაში, თუ მომხმარებლის მოთხოვნა აშკარად უსაფუძვლოა, განმეორებითი ხასიათი აქვს ან გადაჭარბებულია.

ჩვენ შესაძლოა მომხმარებელს მოვსთხოვოთ კონკრეტული ინფორმაცია, რომელიც დაგვეხმარება დავადასტუროთ, რომ პირი რომელიც ითხოვს მომხმარებლის პერსონალურ მონაცემებზე წვდომას (ან სხვა რაიმე უფლების გამოყენებას), ნამდვილად ის პირია, რომელსაც ასეთ მოთხოვნაზე უფლება აქვს. ეს არის დაცვითი მექანიზმი, რომელიც გვეხმარება დავაზღვიოთ პერსონალური მონაცემები გარეშე პირთა წვდომისგან, რომელთაც არ აქვს ამის უფლებამოსილება. ჩვენ შესაძლებელი, დავუკავშირდეთ მოხმარებელს, რათა მოვითხოვოთ დამატებითი ინფორმაცია მის მოთხოვნასთან დაკავშირებით, რაც გამიზნულია პროცესების (ჩვენი პასუხის) დაჩქარებისკენ.

როგორ ვიცავთ მომხმარებლის პერსონალურ მონაცემებს

„გრუმერი“ ორიენტირებულია, რომ დაიცვას მომხმარებლის პერსონალური მონაცემების მთლიანობა და უსაფრთხოება. ჩვენ იმპლემენტირებული გვაქვს და ვინარჩუნებთ შესაბამის ადამიანურ, ადმინისტრაციულ, ტექნიკურ და ორგანიზაციულ რესურსებს, რათა უკანონო ან არაუფლებამოსილი წვდომისგან, გამოყენებისგან, გამჟღავნებისგან და შემთხვევითი დაკარგვისგან, დაზიანებისგან, შეცვლისგან ან განადგურებისგან დავიცვათ ის პერსონალური მონაცემები, რომლებსაც მომხმარებელი მოგვაწვდის.

ჩვენი მიზანია შევინახოთ მომხმარებლის პერსონალური მონაცემები დაცულ ადგილებში, რომლებიც არ არის საზოგადოებისთვის ხელმისაწვდომი და მოვახდინოთ ისეთი უსაფრთხოების ზომების დაყენება ამ ადგილას, რომლებიც უზრუნველყოფს ასეთი მონაცემების დაცვას დაკარგვისგან, უკანონოს გამოყენებისგან ან შეცვლისგან, როგორც მესამე პირებისგან, ასევე ჩვენივე თანამშრომლებისგან.

მიუხედავად ზემოთ თქმულისა, არ არსებობს ინტერნეტის მეშვეობის გადაცემული მონაცემები, ან მონაცემთა შენახვის მეთოდი, რომელიც გარანტიას იძლევა 100%-იან დაცვაზე, შესაბამისად, ჩვენ არ შეგვიძლია გავცეთ აბსოლუტური გარანტია, რომ მომხმარებლის მიერ მოწოდებული პერსონალური მონაცემები დაცული იქნება ნებისმიერ დროს და ნებისმიერ შემთხვევაში. „გრუმერი“ დამოკიდებული იქნება მომხმარებლის კომუნიკაციაზე იმ შემთხვევაში, როდესაც ეს უკანასკნელი შეამჩნევს რაიმე უჩვეულო აქტივობას / მოვლენას, რომელიც შეიძლება უთითებდეს მისი (მომხმარებლის) ინფორმაციის უსაფრთხოების დარღვევაზე. ასეთი კომუნიკაციის შემდეგ, ჩვენ დავიწყებთ გამოძიებას, რათა დავადგინოთ, იყო თუ არა ეს მოვლენები დაკავშირებული ჩვენს ვებ-გვერდიდან ან ჩვენი ვებ-გვერდისთვის მონაცემთა გადაცემაზე და ვაცნობებთ მომხმარებელს თუ რა ნაბიჯები უნდა გადადგან მან პრობლემის მოსაგვარებლად.

გარეშე ბმულები

ჩვენს ვებ-გვერდებზე შესაძლებელია განთავსებულ იქნეს ბმულები მესამე პირთა ვებ- გვერდებზე, პროგრამებზე ან აპლიკაციებზე. თუკი მომხმარებელი გადავა სხვა ვებ- გვერდზე იმ ბმულიდან, რომელიც განთავსებული იქნება ჩვენს ვებ-გვერდებზე, ამ მესამე პირთა ვებ-გვერდის ოპერატორებმა შესაძლოა შეაგროვონ ან გააზიარონ ინფორმაცია მომხმარებლის შესახებ. ეს ინფორმაცია გამოყენებულ იქნება სწორედ ამ პირთა დამუშავების პოლიტიკის შესაბამისად, რომელიც შეიძლება განსხვავდებოდეს ჩვენი დამუშავების პოლიტიკისგან. ჩვენ არ ვაკონტროლებთ მესამე პირთა ვებ- გვერდებს და რეკომენდაციას ვწევთ, რომ მომხმარებელი გაეცნოს ამ პირთა დამუშავების პოლიტიკას, რათა სრულად გაიგოს მათი პროცედურები, რომელიც დაკავშირებულია მონაცემების შეგროვებასთან, გამოყენებასთან და გავრცელებასთან.

საერთაშორისო გადაცემები

მომხმარებლის პერსონალური მონაცემები შეიძლება შენახულ იქნეს ან გადაცემულ იქნეს საქართველოს გარეთ იმ მიზნებისთვის, რომლებიც ხსენებულია წინამდებარე დამუშავების პირობებში. იმ შემთხვევებში, როდესაც ჩვენ ვინახავთ ან გადავცემთ მომხმარებლის პერსონალურ მონაცემებს საქართველოს გარეთ, ჩვენ ვიჩენთ შესაბამის წინდახედულობას, რათა უზრუნველვყოთ მომხმარებლის პერსონალური მონაცემების დაცვა.

როდესაც ჩვენ ვინახავთ ან გადავცემთ მომხმარებლის პერსონალურ მონაცემებს საქართველოს გარეთ, ამას ვახორციელებთ შესაბამისი კანონმდებლობის მოთხოვნათა დაცვით და ჩვენ უზრუნველვყოფთ, რომ ეს მონაცემები დაცულ იქნება ისეთივე სტანდარტებით, როგორც ჩვენთან. პერსონალურ მონაცემთა გადაცემა ხდება:

  • ქვეყანაში, რომელიც აღიარებულია ევროპის კომისიის მიერ, როგორც სახელმწიფო, სადაც ხელმისაწვდომია უსაფრთხოების ადექვატური დონე; ან
  • ქვეყანაში, რომელშიც არ არის ადექვატური უსაფრთხოების დონე, მაგრამ გადაცემაზე ზედამხედველობა ხდება ევროპის კომისიის სახელშეკრულებო ნორმების საფუძველზე ან ხელმისაწვდომია შესაბამისი საზღვრებს-შორისი გადაცემის გზები, რომლებიც იძლევა ადექვატური დაცვის საშუალებას.

ცვლილებები დამუშავების პირობებში

ჩვენი ბიზნესი განაგრძნობს ზრდას და შესაბამისად, დროდადრო, წინამდებარე დამუშავების პირობები შეიძლება გადაიხედოს ან შეიცვალოს.

„გრუმერი“ იტოვებს უფლებას, რომ შეცვალოს წინამდებარე დამუშავების პირობები, ამ ცვლილებების მის ვებ-გვერდებზე გამოქვეყნებით. მომხმარებელს შეუძლია დაადგინოს თუ როდის შევიდა დამუშავების პირობებში უახლესი ცვლილებები „უკანასკნელი განახლების“ ბმულზე გადასვლით, რომელიც მოცემულია წინამდებარე დამუშავების პირობები, როდესაც შესაბამისი ცვლილებები შევა ძალაში. ჩვენ შევატყობინებთ ჩვენს წევრებს წინამდებარე დამუშავების პირობებში ცვლილებათა შეტანის თაობაზე ან მათ ელექტრონულ ფოსტაზე (რომელიც მომხმარებელმა თავად მოგვაწოდა) შეტყობინების გაგზავნის გზით, ან ჩვენს ვებ-გვერდზე შესაბამისი ანოტაციის გამოქვეყნებით. ჩვენ რეკომენდაციას ვაძლევთ მომხმარებელს, რომ დროდადრო გადახედოს წინამდებარე დამუშავების პირობებს, რათა გადახედოს უკანასკნელ ვერსიას.

„Cookies”-ის პირობები

„გრუმერი“-ს სურს, რომ მომხმარებლის ვიზიტი ჩვენს ვებ-გვერდებზე იყოს მაქსიმალურად გამართული, საიმედო და სასარგებლო. ამ მიზნის მისაღწევად, ჩვენ ვიყენებთ ე.წ „Cookies”-ს და მსგავს ტექნოლოგიებს (შემდგომში: „Cookies”). ჩვენ ვატყობინებთ მომხმარებელს „Cookies”-ების გამოყენების შესახებ, როდესაც მისი პირველი ვიზიტის დროს ჩვენ ვებ-გვერდებზე, გვერდის ქვედა მხარეს შესაბამისი ნოტიფიკაციის აბრის განთავსებით. ჩვენი ვებ-გვერდების გამოყენების გაგრძელების შედეგად, მომხმარებელი ეთანხმება ჩვენს მიერ „Cookies”-ების გამოყენებას. მაგრამ, მოხმარებელს ნებისმიერ დროს შეუძლია შეცვალოს მისი „Cookies”-ს პარამეტრები და აირჩიოს მიიღოს თუ არა ჩვენი ვებ-გვერდებიდან ისინი, რაც მას ჩვენი „„Cookies”-ის თანხმობის ხელსაწყოს“ გამოყენებით შეუძლია. დამატებითი ინფორმაცია მომხმარებლის „Cookies”-ს პარამეტრების მენეჯმენტის შესახებ მოცემულია ქვემოთ.

რა არის „Cookies”?

„Cookies” არის პატარა ტექსტის ფაილები, რომლებიც ავტომატურად არის განთავსდება მომხმარებლის კომპიუტერზე ან მოწყობილობაზე, როდესაც იგი თითქმის ნებისმიერ ვებ-გვერდს სტუმრობს. მომხმარებლის ინტერნეტ ბრაუზერები ინახავს „Cookies”-ის, რათა არსებობდეს საბაზისო ინფორმაცია მომხმარებლის მიერ ინტერნეტის გამოყენებაზე, მაგრამ ისინი („Cookies”-ები), როგორც წესი, არ ახდენს მომხმარებლის პიროვნების იდენტიფიცირებას. მომხმარებლის ინტერნეტ ბრაუზერი უგზავნის ამ „Cookies”-ებს ვებ-გვერდს ყოველ ჯერზე, როდესაც მომხმარებელი ხელახლა სტუმრობს მას, რაც მომხმარებლის კომპიუტერის (ან სხვა მოწყობილობის) „ცნობის“ საშუალებას იძლევა, რაც, თავის მხრივ, ამარტივებს მომხმარებლის ვებ-გვერდზე სტუმრობისას, მისთვის პერსონალიზირებული და გაუმჯობესებული გამოცდილების მიწოდებას.

მაგალითად, ჩვენ ვიყენებთ „Cookies”-ებს ჩვენს ვებ-გვერდებზე, რათა დავიმახსოვროთ მომხმარებლის ანგარიშზე შესასვლელი დეტალები (მომხმარებლის სახელი და პაროლი) იმისათვის, რომ მომხმარებელს ვებ-გვერდზე სტუმრობისას, ყოველ ჯერზე, ახლიდან არ უწევდეს მათი შეყვანა. სხვა „Cookies”-ები ხელს გვიწყობს, რომ უკეთ გავიგოთ რა არის ჩვენი მომხმარებლისთვის მიმზიდველი და საინტერესო, და რა – არა. ეს ჩვენს მიერ გამოიყენება იმისათვის, რომ მივაწოდოთ მომხმარებელს სერვისები / პროდუქტები, რომელიც უკეთ არის მორგებული მის ინტერესებზე და უზრუნველვყოთ, რომ მომხმარებლის შემდეგი ვიზიტი ჩვენს ვებ-გვერდზე, მისთვის უკეთესი და უფრო პროდუქტიული იყოს. ჩვენ „Cookies”-ებს ასევე ვიყენებთ, რომ მოვახდინოთ ვიზიტორების მიერ, ჩვენი ვებ-გვერდით სარგებლობის ტენდეციათა ანალიზი.

ჩვენ შესაძლოა, ასევე ვითანამშრომლოთ მესამე პირებთან და რეკლამის განმთავსებლებთან, რათა მომხმარებელს, ჩვენი ვებ-გვერდების მეშვეობით, მივცეთ წვდომა საინტერესო მასალაზე. აქედან გამომდინარე, ჩვენს ვებ-გვერდებზე ჩვენ მიერვე განთავსებული „Cookies”-ების („პირველი პირის „Cookies”-ები“) გარდა, ჩვენ ასევე ნებას ვრთავთ მესამე პირებს, რომლებიც ათავსებენ რეკლამას ჩვენს ვებ-გვერდებზე, რომ დანერგონ თავიანთი „Cookies”-ები („მესამე პირთა „Cookies”-ები“). მესამე პირთა „Cookies”- ები აღრიცხავენ ინფორმაციას მომხმარებლის მიერ რეკლამებით სარგებლობის შესახებ. ეს ეხმარება რეკლამის განმთავსებლებს, რომ მომხმარებელს შესთავაზონ ის რეკლამები, რომლებიც ამ უკანასკნელისთვის დიდი ალბათობით საინტერესოა, ასევე, ამცირებს მომხმარებლის მიერ ერთი და იგივე რეკლამის ნახვის რაოდენობას და აუმჯობესებს მომხმარებლის ონლაინ გამოცდილებას.

მომხმარებლის ნებისმიერ ინფორმაციზე, რომელსაც ჩვენ მოვიპოვებთ მის მიერ „Cookies”- ების გამოყენების გზით, ვრცელდება წინამდებარე დამუშავების პოლიტიკის დებულებები და პირობები.