Skip to content
ბავშვი და ძაღლი

კიდევ ერთი მიზეზი ლეკვის მოსაყვანად – შინაურ ცხოველთან თანაცხოვრება ბავშვისთვის სასარგებლოა!

ახალბედა მშობლების უმრავლესობას, რომლებმაც ბავშვთან ერთად ძაღლის ან კატის გაზრდაც გადაწყვიტეს, ამისთვის ძირითადად ემოციური მიზეზები ჰქონდათ – ხშირ შემთხვევაში, ისინი თვითონ იზრდებოდნენ ძაღლებთან ან კატებთან ერთად და სურთ, ეს სასიამოვნო ემოციები მათმა შვილებმაც განიცადონ. თუმცა, მათ არც კი იციან, რომ ემოციურ ჯანმრთელობასთან ერთად, ამით ბავშვების ფიზიკურ ჯანმრთელობასაც უწყობენ ხელს.

ალბერტას უნივერსიტეტში ჩატარებული კვლევის მიხედვით, იმ ოჯახებში დაბადებულ ახალშობილებს, სადაც ბეწვიანი ცხოველები ცხოვრობენ, აქვთ სხვადასხვა ალერგიისა და ჭარბწონიანობის განვითარების გაცილებით ნაკლები რისკი, თუკი ისინი ცხოველებთან ერთად დაბადებიდანვე იზრდებიან. ამ ყველაფერს ორი ტიპის ბაქტერია იწვევს: რუმინოკოკი და ოსცილოსპირა. ეს ჯანმრთელი ბაქტერიები კატებისა და ძაღლების სხეულზე ცხოვრობენ, ჩახუტებისა და ალოკვის შედეგად კი ბავშვის იმუნიტეტის გაძლიერებას იწვევენ. ეს კი განსაკუთრებით მნიშვნელოვანია საკეისრო კვეთით დაბადებული ბავშვებისთვის, რომლებიც ბუნებრივი გზით ვერ იღებენ დაბადებისთანავე საჭირო ბაქტერიებს.

კვლევის ფარგლებში 746 კანადელი ჩვილის ნაწლავის მიკრობული შემადგენლობა შეისწავლეს მათი სიცოცხლის პირველი 3 თვის განმავლობაში. მათ ნახევარს შინაური ცხოველები (უმრავლეს შემთხვევაში, ძაღლი) ჰყავდა ოჯახში ბავშვის დაბადებამდე, ან დაბადების შემდეგ. 8%-ს კი შინაური ცხოველი მხოლოდ პრენატალურ პერიოდში ჰყავდა. კვლევამ დაადგინა, იმ იმ ოჯახებშიც კი, სადაც შინაური ცხოველი მხოლოდ ბავშვსის დაბადებამდე ცხოვრობდა, მაინც მოქმედებდნენ სასარგებლო მიკრობები – ამ ოჯახებში დაბადებული ბავშვები არ იტანჯებიან ალერგიებით და აქვთ ჯანსაღი წონა.

გარდა ამისა, კვლევამ ასევე აჩვენა, რომ სახლში ცხოველის ყოლა ამცირებს დედისაგან B ჯგუფის სტრეპტოკოკის გადაცემის ალბათობას, რომელიც ზრდის ახალშობილებში პნევმონიის განვითარების რისკს და შესაძლოა ფატალური შედეგიც გამოიწვიოს.

მიუხედავად დიდი სარგებლობისა, ცხოველებთან თანაცხოვრება ბავშვებისთვის გარკვეულ რისკებსაც შეიცავს, როგორებიცაა ნაკაწრების ან კბენის, ბეწვის გადაყლაპვისა და ფიზიკური ტრავმების მიღების რისკები და ა.შ. თუმცა, სარგებელი, რომელიც შინაურ ცხოველს ბავშვისთვის მოაქვს, რისკებთან შედარებით, გაცილებით დიდია. თანაც, ამ რისკების მინიმუმამდე შემცირება შესაძლებელია ვეტერინართან ხშირი ვიზიტებისა და რეგულარული პროფესიონალური გრუმინგის შედეგად.

წყაროები:

Cdc.gov
Todaysparent.com

გააზიარე
Share on facebook
Share on google
Share on twitter
Share on linkedin
Share on pinterest
Share on print
Share on email
ძაღლი_ჭამს
ბლოგი

შეიძლება თუ არა ადამიანის საკვები ძაღლისთვის?

ცხოველების მოყვარულების უმრავლესობა ძალიან გულუხვი ადამიანია. გარდა სახლისა და გულისა, ხშირად ისინი ოთხფეხა მეგობრებს საკვებსაც უზიარებენ, თუმცა, არც კი იციან, რომ ამით ძაღლების ჯანმრთელობას შესაძლოა

სრულად
ბლოგი

როგორ მივაჩვიოთ ლეკვი გარეთ მოსაქმებას

ლეკვთან თანაცხოვრება განსაკუთრებულ მოთმინებას, თანმიმდევრულობას და ერთგულებას მოითხოვს. მიუხედავად იმისა, რომ გამონაკლისი შემთხვევები ლეკვის აღზრდის პროცესის თანმდევია, გთავაზობთ მარტივ გეგმას, რომლის ზედმიწევნით შესრულების შემთხვევაში, შედეგი

სრულად
ბლოგი

ძაღლები, რომლებიც გრუმინგის შემდეგ პატრონებმა ვერ იცნეს

პანდემიის გამო ხანგრძლივი იზოლაცია ძაღლების ვარცხნილობაზეც აისახა. გთავაზობთ ფოტოებს მთელი მსოფლიოდან, რომლებიც ძაღლების პატრონებმა გრუმინგის შემდეგ სოციალურ ქსელებში გააზიარეს. მათ უმრავლესობას სჯერა, რომ სალონებიდან სხვა

სრულად