Skip to content
ძაღლთან-თანაცხოვრება

3 ბრძანება, რომელიც ძაღლთან თანაცხოვრებას გაგიმარტივებთ

ძაღლის გაწვრთნა
  • დაჯდომა

იმისათვის, რომ ძაღლისთვის ყველა ჭამის, ან სეირნობის წინა რამდენიმე წუთმა მშვიდად ჩაიაროს, სასურველია თუ მას დაჯდომის ბრძანებას მიაჩვევთ. ამისათვის, ძალიან მარტივად, შეგიძლიათ გამოიყენოთ მისი საკვები ან საყვარელი სასუსნავი. მიუტანეთ ის ცხვირთან, ნელ-ნელა გაწიეთ უკან და ამ დროს იმეორეთ „დაჯექი“. ძაღლი ავტომატურად იძულებული იქნება დაჯდეს, რათა უფრო მოხერხებულად მიწვდეს საკვებს. თუკი ამ სავარჯიშოს სისტემატიურად გაიმეორებთ, თქვენი ძაღლი საკვების გარეშეც მიეჩვევა დაჯდომას ბრძანების გაგონებისას, თუკი ხელის იმავე მოძრაობას შეასრულებთ.

ძაღლის ყეფა
  • ყეფის შეწყვეტა

ძაღლები ბავშვებივით არიან – ხშირად მათი მოთხოვნების შესრულებას გაბმული ყეფით გვაიძულებენ. საჭიროა, რომ თქვენი ძაღლი მიხვდეს – ყეფით ვერ შეძლებს თქვენს მანიპულირებას. ამისათვის, პირველ რიგში, დაიცადეთ რამდენიმე წუთი და მხოლოდ მას შემდეგ მიეცით საკვები, როდესაც დამშვიდდება. ყეფის დაწყებისას კი სცადეთ მისი ყურადღება თამაშზე გადაიტანოთ. მხოლოდ მას შემდეგ, რაც შეწყვეტს ყეფას, დააჯილდოვეთ კარგი ქცევისთვის.

ძაღლის გაწვრთნა
  • „ჩემთან!“

ამ ბრძანების ცოდნის გარეშე, ძალიან გაგიჭირდებათ ძაღლთან თანაცხოვრება. სასურველია მისი შესწავლა ისეთ გარემოში, სადაც ნაკლები გამაღიზიანებელი ფაქტორია, რათა ძაღლს ყურადღება არ გაეფანტოს. მოიმარაგეთ მისი საყვარელი სასუსნავი და დადექით მოშორებით, დაუძახეთ სახელი და გაუმეორეთ ბრძანება „ჩემთან“. მოსვლის შემთხვევაში, შეაქეთ და დააჯილდოვეთ საკვებით, რამდენიმე წამის გაჩერების შემდეგ. თუკი ის თქვენს ბძანებას არ ემორჩილება, გამოიყენეთ საბელი – მოსწიეთ თქვენკენ ბრძანების წარმოთქმისას, დააყოვნეთ რამდენიმე წამი და ამის შემდეგ შეაქეთ და დააჯილდოვეთ სასუსნავით. გახსოვდეთ, აუცილებელია იყოთ თანმიმდევრული და სავარჯიშო გაიმეოროთ რეგულარულად, რამდენიმე დღის განმავლობაში.

გააზიარე
Share on facebook
Share on twitter
Share on linkedin
Share on pinterest
Share on print
Share on email
ბლოგი

რატომ ჭამენ ძაღლები ბალახს?

ამ კითხვას თუ ვეტერინარს დაუსვამთ, აუცილებლად გიპასუხებთ, რომ დღეში რამდენჯერმე ეკითხებიან იმავეს, რაც ნიშნავს, რომ ბევრი ძაღლი ჭამს ბალახს. არასაკვები პროდუქტების ჭამის მოთხოვნილების მიზეზი ხშირად

სრულად
paws
ბლოგი

როგორ მოვუაროთ ძაღლის თათებს

მიუხედავად იმისა, გარეთ ცივა თუ ცხელა, მიწაზე სიარული სათანადო დაცვისა და მოვლის გარეშე, შესაძლოა თქვენი შინაური ცხოველისთვის ძალიან საზიანო აღმოჩნდეს. მნიშვნელოვანია გვახსოვდეს, რომ შინაური ცხოველის

სრულად
abu-sleeping
ბლოგი

რატომ არის მნიშვნელოვანი ძაღლის სრულფასოვანი ძილი?

ხშირად ვხვდებით ძაღლებს, რომლებსაც არ აქვთ სრულფასოვანი ძილის საშუალება ღამით. მეტიც, ხშირად ისინი დღის მანძილზეც ვერ ახერხებენ სათანადოდ დაძინებას, ეს კი მათ გაღიზიანების, არასასურველი ქცევის

სრულად